Nyheit

Eit knippe nye fjes i Vang

  Nyheitsarkiv
20. des 2016
  • Fiyamiet (17) - Deltek på introduksjonsprogrammet - Busett flyktning frå Eritrea - Eg likar best å danse og å sjå på film. No bur eg i Ryfoss, og her er det mange hyggelege menneske og eit bra samfunn. Det beste med Vang er når det skjer noko spennande, til dømes var #Vårtnabolag, festivalen på Grindaheim Asylmottak veldig artig.
  • Solfrid Jordalen (28) - Personalkonsulent - Flytta frå Voss - Då eg såg artikkelen frå Harvest om dei 30 ledige jobbane i Vang, fann eg ut at dette ville eg prøve meg på. Årsaka til at eg valde Vang, er ein kombinasjon av flott natur, gode turmoglegheiter og ein spennande jobb. Eg flytte hit i juni og trivst godt.
  • Nina Dalsegg (25) - Flyktningkonsulent - Flytta frå Moss - Etter å ha utdanna meg innan samfunnsfag har eg søkt jobbar rundt omkring på Austlandet. Eg fekk napp her i Vang og kom oppover i juli i år for å jobbe som flyktningkonsulent! Etter å ha vakse opp i Bærum har det vore ei omstilling å skulle bu i Vang, men eg likar plassen meir for kvar dag og ser spesielt fram mot at klatreklubben vert sett i gang!
  • Jan Egil Jægersborg (30) - Teknisk leiar og utviklar for Sky Lab - Flytta frå Trondheim - Saman med Mari Remmen og sonen vår valde me å flytte attende til Vang, no når sjansen baud seg. Eg kjem frå Vang, men har studert i Trondheim i sju år. Det beste med Vang er at friluftslivet er lett tilgjengeleg, og det er fantastisk å kunne vera mykje ute og sykle, gå på ski og jakte.
  • Ane Nathalie Steile (29) - Studerar vidareutdanning psykisk helsefag - Flytta frå Gjøvik - Eg er frå Vang, og med tre ungar var det kjekt å flytte heim så dei kunne få meir tid saman med besteforeldre og slekt. Me kom i mai i år og er godt installert på Tveit. No går ungane på VBU og trivst godt der. På fritida organiserer eg gjerne kreative aktivitetar for dei, som me har mykje moro med!
  • Samuel (24) - deltek på introduksjonsprogrammet - Busett flyktning frå Eritrea - Eg bur i Ryfoss, og her likar eg å gå på Ryfoss treningssenter og lese bøker på norsk på fritida. Av yrke trivst eg best med sementstøyping og flislegging. Eg kunne godt ynskje meg ein språkven for å bli betre kjend med sambygdingar og læra meir norsk.
  • May Kristin Haugo (21) - reingjetar - flytta frå Ål i Hallingdal - Eg hadde vore her noko i høve jobben i Filefjell reinlag før, men det var kjærleiken som verkeleg førte meg til Vang. Eg trives godt blant gode menneske og dei fine fjella. Eg kunne eigentleg ikkje tenkt meg å bu nokon anna stad.
  • Kristina Burwinkel (27) - Lege og personleg assistent - flytta fra Hannover - Tilfeldigvis kom eg til Vang som woofar (frivillig arbeid på økologiske gardar), og eg skjønte snart att eg berre laut bli verande. Naturen, friluftslivet og dei mange møteplassane her gjer at eg føler meg fri.
  • Damian Bådsvik (36) - plan- og byggesakshandsamar - flytta frå Haugesund - Eg har berre vore her nokre dagar, men så langt er eg særs godt nøgd med Vang. Stillheita her oppe er heilt unik og noko som appellerer til meg. Og så tykkjer eg Vang har mykje å by på, skiløyper og friluftsmoglegheiter er ting eg verdsett høgt,
  • Hanne Herman (57) - kunstnar og forleggar - flytta frå Oslo - Saman med hunden Lucas flytta eg til Brekkebakken ved Kvismo/Ryfoss på nyåret. Vi ynskte å koma oss til fjells og bu på ein plass med lang historie. Planen er å drive eit lite forlag, halde fram som bildehoggar og kanskje vera både lærar og korrekturlesar
  • Audi Stuestøl (28) - Rådgjevar - flytta frå Ås - Eg var innom Vang i fjor haust og fekk eit godt inntrykk av plassen. Tilbake på Ås bestemte eg meg for å søkje på ein relevant jobb i Øystre Slidre. Men på grunn av nettverk og godt rykte valte eg å busette meg her og pendle til arbeid.
  • Amanda Erika Myrsell (24) - reiseprodusent - flytta frå Hemsedal - Med opphav frå Sverige og oppvekst i Hemsedal var de kjærleiken som førte meg til Vang. Her er nært til fjell og friluftsaktivitetar som fiske, ri i fjellet og stå på ski- noko som treff meg veldig godt. Når også arbeid og bustad er midt i blinken er det lett å like seg.
Møt nokre av dei nye Vangsgjeldingane

Kva har desse tolv personane til felles? Dei er nokre av dei som har flytta til Vang det siste året! Klikk på bileta for å bli betre kjent!

Tyin–Filefjell-magasinet presenterar vi seks nye vangsjgjeldingar i kvar utgåve. Her har vi samla presentasjonane frå dei to siste numra. Lenkja til utgåve 6 kjem i starten av desember!