Alle kan gjera ein forskjell i den flyktningkrisa verda no står ovanfor. Det er kva Ryfoss barnehage ynskjer å syne ved å gjennomføre auksjon og innsamlingsaksjon til inntekt for Redd Barna sitt flyktningarbeid.
– Ved å gjennomføre denne auksjonen lærar alle noko om solidaritet, empati, samhald og forskjellar rundt om i verda. Vi er ein liten barnehage men jammen kan gjera ein forskjell, seier pedagogisk leiar i Ryfoss Barnehage, Heidi Lynge Kvale.
Ho fortel at ungane i barnehagen får med seg mykje av det som skjer i Syria om dagen, og spørsmåla kring krig og flyktnigar er noko dei bruker mykje tid på.
Mange bidreg
Ungane og dei tilsette i barnehagen har altså skipa til auksjon laurdag 17. oktober klokka 11 i Ryfoss sentrum. Her vert det sal av kaffi, kaker og andre godsaker, samstundes som ordføraren er på plass for å leie auksjonen.
– Vi har vore rundt til ulike bedrifter i området og alle stiller opp. Nokre kjem med bra saker til auksjonen, mens andre ynskjer å gje pengar til innsamlinga, fortel Kvale.
Alle pengane går rett til Redd barna sitt flyktningarbeid.
– Dei arbeidar både her i Noreg, andre stader i Europa og i flyktningleirane rundt Syria. Det kjenst som rette organisasjonen å samarbeide med for oss, fortel Kvale.
Ungane sjølv skal både selje kaffi og kaker, og eigne måleri under auksjonen. Pluss at dei skal hjelpe ordførar Eltun med å syne fram det som skal auksjonerast bort. Ved sidan av sjølve auksjonen vert det ponniridning, underhaldning, lotteri og sambosa–salg.
– Sara`s kafe stenger kafeen under hele aksjonen og selger sambosa på plassen og donerer bort inntektene til innsamlingsaksjonen, fortel Kvale.
Dette kan du sikre deg:
- Tveitabru Sag: utebenk
- Ryfoss betong: Blomsterkrukke
- Øye bygg og bo: Polaris scooterbukse
- Trollrock: Dagspass torsdag
- Filefjellstuene: gavekort på en familiemiddag
- Vang autoservice: Lynx fleecegenser
- Intersport Filefjell: 2 sparkesykler, gutt og jente
- Coop Marked Fjellvang: Nilfisk vindusvasker og Wilfa strykejern.
- Vinjerock: Festivalpass
- Mjøsvang kafe: gavekort på en par-middag.
- Kvismo Sag: Kraftoverføringsakse til traktor
I tillegg er det lotteripremiar:
- YX Joker Filefjell
- Anne Ma frisør
- Møbelringen Fagernes
- Sørre Kjøs Gård
- Joker Ryfoss
Det har også kome inn ein god del pengegåver, alle desse vil bli heidra under arrangementet.
– Vi har oppretta ein eigen konto kun for denne aksjonen. Her kan alle som ynskjer det setja inn pengar og dermed støtte Redd Barna sitt arbeid for Syria-flyktningane, fortel Kvale.
Vil du bidra med pengar til aksjonen er kontonummeret: 2146 40 66397
Møt opp til ein trivelig formiddag i «Føsse» :-)
