- Med julekonsert med Silver Belles og vener i Vang kyrkje håpar vi å spreie skikkelig juleglede!
- Desse dyktige musikarane treff veldig breidt og i alle aldersgrupper. Det er eit skikkelig stjernelag av dyktige musikarar, og med både tradisjonelle julelåtar og nye ekte på lista så blir det noko for alle, seier Sigrid Skjerdal, festivalsjef for Vinjerock.
Eit splitter nytt julesamarbeid, skapt av musikarane Stine Andreassen og Live Miranda Solberg. Dei trakterer strenger, tangentar, fleirstemt vokal og gjev publikum eit nøye kuratert utval av julemusikk. Me får servert klassikarar, nyare favorittar, originalar og eksepsjonelt dyktige musikarar.
Men kven er så venene i denne samanhengen? Spellemannvinnar Signe Marie Rustad er med på laget og det same er den norske americana-scena sitt nyaste stjerneskot, Ole Kirkeng.
- For oss i Vinjerock er det skikkelig stas å invitere bygda til fine musikkopplevingar etter to år utan festival, og vi håpar mange har lyst til å ta turen på kvalitetskonsert saman med oss, smiler Skjerdal.
Du kan lese meir om arrangementet og kjøpe billetter her.
- Vi håpar det blir ein anledning for å samle familie og vener, onkler og tanter, bestemødre og bestefedre til ein fin førjulskveld!
