Det er ledig 8 % fast stilling ved Vang frivilligsentral, med tiltreding snarast. BUA-medarbeidaren vil få ansvar for utstyrssentralen vår, BUA Vang. Ansvaret inneber å administrere den daglege drifta, drive vedlikehald av utstyret, og skape aktivitetar med aktuelle målgrupper. BUA låner i hovudsak ut friluftsutstyr, og har pr i dag ope tysdagar og torsdagar kl 15-16. BUA nyttar eit digitalt utlånssystem levert frå BUA sentralt.
Vang frivilligsentral er samlokalisert med Vang folkebibliotek på Vangstunet, i sentrum av kommunen. Frivilligsentralen administrerer mellom anna BUA Vang, som ligg i eit eige bygg 100 meter unna. Frivilligsentralen skal stimulere til frivillig innsats, skape opne møteplassar for befolkninga, og vere eit bindeledd mellom kommunen og frivillig sektor. Frivilligsentralen jobbar med ei rekke satsingsområde innan kultur, folkehelse og inkludering, etter visjonen ‘Saman skapar vi eit godt og inkluderande lokalsamfunn’.
Arbeidsoppgåver
- Ansvar for utstyrssentralen BUA
- Administrere dagleg drift (pt tysdagar og torsdagar kl.15-16)
- Vedlikehald av utstyr
- Skape aktivitetar
Kvalifikasjonar
Me ynskjer at du:
- har praktisk sans og kjennskap til friluftsliv og turutstyr
- er positiv, samarbeidsvillig og serviceorientert
- er løysingsorientert, og trivast med å arbeide sjølvstendig
- er strukturert og ryddig
- har gode IKT-kunnskapar
- er glad i å prate med menneske, og evnar å formidle til mange ulike målgrupper
- pratar norsk, engelsk og gjerne også ukrainsk og/eller andre språk som er sterkt representert i Vang
Gyldig politiattest må leverast før oppstart
Vi tilbyr
- Eit inkluderande arbeidsmiljø med kompetente tilsette
- Løn etter tariff og arbeidsvilkår etter gjeldande lov – og avtaleverk
- Gode pensjons- og forsikringsordningar
Treng du folk?
Driv du verksemd i Vang, og treng fleire folk på laget? Vi kan gjerne hjelp deg med å synleggjere dei ledige stillingane dine - og tipse aktuelle kandidatar som vi kjenner til.
På jobbjakt?
Ta gjerne kontakt med oss dersom du er på jakt etter jobb i Vang. Vi er stadig i kontakt med verksemder som treng ulike typar folk, og då er det kjekt for oss å vite om aktuelle kandidatar. Send oss ein e-post eller ring for ei samtale om moglegeheiter i Vang!