KULTURSKULELÆRAR - DIRIGENT Arkivsak 19/726
Vang kommune har ledig fast stilling som kulturskulelærar i Vang kulturskule
Fjellblom Musikklag er vaksenkorpset i Vang kommune, og består pt. av 23 musikantar. Korpset har brassband besetning og har sin faste øvingsdag onsdagar frå kl. 19.00 – 21.30 på Åsvang samfunnshus.
Fjellblom Musikklag er ein positiv og sosial gjeng, og er ein viktig aktør i kommunen sitt kulturliv. Gjennom året har korpset fleire konsertar og arrangement som dei deltek på.
Musikklaget søkjer no etter ein engasjert og dyktig korpsdirigent som kan løfte korpset vidare både musikalsk og sosialt.
Kulturskulelærar i 15,39% stilling som musikalsk leiar og dirigent i Fjellblom Musikklag, med tiltreding frå 01.01.20.
Kvalifikasjonar
- Musikkfagleg utdanning, gjerne innan korpsdireksjon. Relevant dirigenterfaring/praksis kan kompensere for utdanningskravet
- Gode evner på sitt hovudinstrument, behersker messinginstrument
- Kompetanse til å tilpasse stemmer, og tilpasse arrangement ved behov
- Gode norskkunnskapar munnleg
Me ser etter deg som
- Er ein relasjonsbyggar med evne til å inspirere og løfte medlemmane
- Har gode pedagogiske evner og kan reflektere rundt eigen praksis
- Er engasjert, tydeleg og målretta
- Er sjølvstendig og løysingsorientert
- Har gode samarbeids- og kommunikasjonsevner
- Er strukturert og endringsvillig
- Vil bidra aktivt i korpsets utviklingsarbeid
Me tilbyr
- Eit inkluderande arbeidsmiljø med engasjerte og positive musikantar
- Løn etter tariff og arbeidsvilkår etter gjeldande lov – og avtaleverk
- Gode pensjons- og forsikringsordningar
- Kommunen har personalbustadar for leige
Vang kommune nyttar nynorsk som målform.
Personlege eigenskapar og eignaheit for stillinga vil verte vektlagt.
Spørsmål og meir informasjon om korpset kan rettast til leiar i Fjellblom Musikklag, Jon Eggen på tlf: 901 86 731, eventuelt på e-post: eggenj@online.no.
Spørsmål kring tilsettinga i Vang kulturskule, kan rettast til kulturskulerektor Oddbjørn Skeie på tlf. 61 36 94 23 – 950 76 539, eventuelt på e-post: oddbjorn.skeie@vang.kommune.no
Tilsetjing på ordinære vilkår som gjeld til ei kvar tid i kommunal sektor.
Søknad med CV, attestar og vitnemål sendast elektronisk gjennom heimesida www.vang.kommune.no. Merk søknad med arkivsak nr. 19/726
Søknadsfrist: Søndag 3.november 2019
Treng du folk?
Driv du verksemd i Vang, og treng fleire folk på laget? Vi kan gjerne hjelp deg med å synleggjere dei ledige stillingane dine - og tipse aktuelle kandidatar som vi kjenner til.
På jobbjakt?
Ta gjerne kontakt med oss dersom du er på jakt etter jobb i Vang. Vi er stadig i kontakt med verksemder som treng ulike typar folk, og då er det kjekt for oss å vite om aktuelle kandidatar. Send oss ein e-post eller ring for ei samtale om moglegeheiter i Vang!