Freistar det deg å overta og vidareutvikle ein lang tradisjon med kyrkjemusikk og konsertar i fjellkommunen Vang?
Vang høyrer til Valdres prosti i Hamar bispedøme. Vang er den vestlegaste av kommunane i Valdres, på grensa mot Sogn, og dermed midt mellom Oslo og Bergen. Vi har ca. 1600 innbyggarar og eit godt song- og musikkliv med to korps og to kor, i tillegg til eit vidt spekter av anna frivillig arbeid.
Kyrkja i Vang har 4 sokn; Heensåsen, Høre, Vang og Øye, med 6 kyrkjer - deriblant 2 stavkyrkjer, ei økumenisk fjellkyrkje.
Staben består av sokneprest, kyrkjeverje, trusopplærarar, kyrkjetenarar, klokkarar, reinhaldarar, kyrkjegardsarbeidar og snart kantor.
Me kan tilby gode instrument i tradisjonelle kyrkjer, og godt arbeidsfellesskap.
Det er ledig stilling som kantor i 80 % stilling frå 01.02.2020
Aktuelle arbeidsoppgåver
- Samarbeid om planlegging og gjennomføring av gudstenester og kyrkjelege handlingar
- Samarbeid om trusopplæringsarbeid og skule-kyrkjesamarbeidet
- Ha web-ansvar for kyrkja si nettside, facebookside m.m
- Legge til rette for kyrkjekonsertar, musikkandaktar og korarbeid
Kvalifikasjonar
- Kyrkjemusikalsk kompetanse i samsvar med §3 frå Kyrkjemøtet.
- Kantoren går inn i eit nært samarbeid med soknepresten og den staben elles.
- Vi ønsker oss ein kantor som kan inspirere til song- og kyrkjemusikalsk aktivitet i kyrkjelydane.
- Vi legg vekt på evne og vilje til å samarbeide, til å ta initiativ og til å arbeide sjølvstendig.
- I tillegg legg vi vekt på musikalske kvalifikasjonar og at du vil passe godt i staben vår.
- Søkjar må vere medlem av Den norske kyrkja.
- Kvalifiserte søkjarar vil bli innkalla til intervju og prøvespel. Du treng å disponere eigen bil i jobben.
Tilsetting skjer på vilkår av dei til ei kvar tid gjeldande lover, reglement og tariffavtaler.
Vang kommune vil snarleg lyse ut ei mindre stilling som dirigent. Denne stillinga vil kunne tilpassast kantorstillinga.
Kontaktinformasjon
Guro Hovda, kyrkjeverje , 412 65 178 , gh575@kirken.no
Ingebjørg Vik Laugaland, sokneprest, il597@kyrkja.no
Arbeidssted
Tyinvegen 5161
2975 Vang i Valdres
Søknadsfrist: 07.11.2019
Treng du folk?
Driv du verksemd i Vang, og treng fleire folk på laget? Vi kan gjerne hjelp deg med å synleggjere dei ledige stillingane dine - og tipse aktuelle kandidatar som vi kjenner til.
På jobbjakt?
Ta gjerne kontakt med oss dersom du er på jakt etter jobb i Vang. Vi er stadig i kontakt med verksemder som treng ulike typar folk, og då er det kjekt for oss å vite om aktuelle kandidatar. Send oss ein e-post eller ring for ei samtale om moglegeheiter i Vang!