Reikesteinsøddin
Utsyn, høgfjell og enkel tilgang er den unike kombinasjonen for tomtene ved Reikesteinsøddin som ligg på 1100 moh på sørsida av Riksveg 53.
I området er både støler, hytter og overnattingsbedrifta Tyinstølen turisthytte. Det er også særs bra fiske i området der mellom anna Tyin byr på fjellaure med høg snittvekt.
Det er privat vann og avløp på alle tomtene. Det er også strøm og breiband til alle tomtene så her kan du kombinere høgfjellslivet med høgstandardhytte.
Både Fondsbu, Tomashelleren og Slettningsbu er innanfor dagsturavstand langs kvista løyper frå Tyinstølen vinterstid. På sumaren går det stig rett inn mot Slettningen og Slettningsbu.
Dagsturar til perler som Vettisfossen, Falketind, Uranostind og alle etappane langs Kongevegen over Filefjell er godt innanfor rekkevidde frå feltet.
