Frivilligsentralen har ledig 50% fast stilling som frivilligkoordinator, med oppstart i februar 2024.
Vang frivilligsentral er samlokalisert med Vang folkebibliotek på Vangstunet, i sentrum av kommunen. Frivilligsentralen skal vere drivkraft for frivillig verksemd i Vang, med visjonen Saman skapar vi eit godt og inkluderande lokalsamfunn.
Frivilligkoordinator skal bistå i arbeidet med å nå frivilligsentralen sine mål om å:
- Førebygge einsemd og bygge fellesskap på tvers av alder, kultur, bakgrunn og interesser
- Vere eit bindeledd mellom frivillig, offentleg og privat sektor, og ein støttespelar for frivillige lag og andre arrangørar
- Inspirere lokalsamfunnet i arbeidet med bærekraft, mangfald, solidaritet, likestilling og inkludering.
Ansvar og mynde:
Frivilligkoordinator rapporterer til dagleg leiar i frivilligsentralen. Frivilligsentralen har eigne vedtekter, som skildrar fordeling av ansvar og mynde mellom dagleg leiar, styre, årsmøte og kommunen.
Arbeidsoppgåver
Frivilligkoordinator skal bistå dagleg leiar i å gjennomføre planar, aktivitetar og prosjekt vedtatt i handlingsplanen, med særleg fokus på tverrsektorielt samarbeid og å fange opp dei som fell utanfor. Dette inneber mellom anna å
- Rekruttere og følgje opp frivillige til frivilligsentralen sine aktivitetar
- Jobbe med inkludering av barn og unge
- Administrere prosjektet Aktive saman som koplar frivillige opp mot barn og unge som ønskjer hjelp til å delta i fritidsaktivitet. Arbeidsmetoden baserer seg på fritidserklæringa, og frivilligkoordinatoren skal jobbe for at denne skal vedtakast og etterlevast i Vang kommune
- Samarbeide med folkehelsekoordinator om tiltaket fritidskasse
- Samarbeide med skule, barnehagar, frivillige lag og andre for å fange opp dei som fell utanfor
- Bistå i arbeidet med å gjere frivilligheita meir synleg, tilgjengeleg og inkluderande
- Skape sosiale møteplassar og legge til rette for at seniorar får bidra med sine ressursar
- Initiere nye arrangement og møteplassar ved behov
- Samarbeide med prosjektgruppa Leva heile livet og andre relevante partar om tiltak for å skape aktivitet og fellesskap
- Samarbeide med helse- og omsorgsetaten i prosjekt og tiltak der frivillige er involvert
- Bistå dagleg leiar i det daglege arbeidet
- Halde frivilligsentralen ope for publikum
- Hjelpe til med forefallande arbeid
Ønska arbeidstid er måndagar og tysdagar for å betene frivilligsentralen si opningstid. Øvrig arbeidstid kan tilpassast den aktuelle kandidaten, i samråd med dagleg leiar.
Kvalifikasjonar
- Utdanning innan til dømes frivilligheit / helse / kultur / barne- og ungdomsarbeid ein fordel
- Relevant erfaring kan kompensere for manglande utdanning
- Erfaring med barn og unge
- God kjennskap til frivillig arbeid
- Gode IKT-kunnskapar
- Lokalkunnskap for å nå ut til aktuelle målgrupper er ein fordel
Personlege eigenskapar
- Er positiv, samarbeidsvillig og serviceorientert
- Er løysingsorientert, trivast med å arbeide sjølvstendig og har evne til å skape framdrift
- Er ryddig og strukturert
- Er glad i å prate med menneske, har gode formidlingsevner og evnar å engasjere
- Har gode norskkunnskapar munnleg og skriftleg
Personlege eigenskapar og eignaheit for stillinga vil verte vektlagt.
Vang kommune nyttar nynorsk som målform.
Vi tilbyr
- Eit inkluderande arbeidsmiljø med kompetente tilsette
- Ein variert jobb med spennande utfordringar
- Høve til å påverke innhald og oppgåver i stillinga
- Løn etter tariff og arbeidsvilkår etter gjeldande lov – og avtaleverk
- Gode pensjons- og forsikringsordningar
- Hjelp til å skaffe bustad ved behov
Treng du folk?
Driv du verksemd i Vang, og treng fleire folk på laget? Vi kan gjerne hjelp deg med å synleggjere dei ledige stillingane dine - og tipse aktuelle kandidatar som vi kjenner til.
På jobbjakt?
Ta gjerne kontakt med oss dersom du er på jakt etter jobb i Vang. Vi er stadig i kontakt med verksemder som treng ulike typar folk, og då er det kjekt for oss å vite om aktuelle kandidatar. Send oss ein e-post eller ring for ei samtale om moglegeheiter i Vang!